fbpx

المحتوى التالى برعاية داب

 

 اهم 16 نصيحة علشان الهدوم تفضل جديدة

فيما يلي  بعض النصائح وارشادات فعالة عشان الهدوم تفضل جديدة

كلنا عايزين هدومنا تكون نضيفة و تفضل جديدة كأننا لسه شارينها ,عشان كدا جبنالكم أهم 16 نصيحة عن تنظيف الهدوم بكل سهولة ومن غير أي تعب عشان نحافظ على الغسيل صح ويفضل شكله جديد على طول، تعالوا نعرف إزاي من المقال

    بعض النصائح بالخطوات

تخصيص سلة عشان الغسيل وممكن نحط السلة دي في  الحمام أو نحط سلة في كل أوضة عشان يتجمع فيها الغسيل

للبقع معاملة خاصة … حطي كذا مشبك جنب السلة عشان لو في بقعه فى الهدوم يتم تعليم البقعة دي بالمشبك وقولي لأفراد أسرتك يعلموا مكان البقعة 

 في هدوم لما بنيجي ننظفها بتختلف عن تنظيف باقي الهدوم عشان كدا الافضل اننا نفصلها عن باقي الغسيل ونغسلها بطريقتها الخاصة سواء كان (غسل بماية باردة, على الأيد، غسيل جاف ) 

اغسلى الهدوم على وشها و اتأكدي انك تفردي اي تنية في الأكمام أو في آخر البنطلون، و كمان لو في قطعة فيها زراير اتأكدي من قفل كل الزراير 

التزمي بتعليمات الغسيل على تيكت كل قطعة ملابس عشان تتفادي أي تلف ممكن يحصل في الأنسجة

 عشان تتأكدي من ان الغسيل بيتغسل صح لازم نفتش عن العيوب إلي بتكون موجودة في الهدوم يعني من الأحسن أننا نصلح أي عيب في الهدوم وبعد كدا نغسلها عشان كدا الموضوع بيكون أفضل

 لازم ناخد بالنا كويس جدًا لو في أي بقعة في الغسيل وندور على الطريقة الصح عشان ننضف البقعة دي قبل ما نحط الغسيل في الغسالة و بلاش نعرض البقعة للماية على طول عشان دا ممكن يصعب الأمور جداً

من أهم الأمور إلي لازم نعملها هو تقسيم الهدوم لمجموعات يعني بلاش نحط كل حاجة على بعضها عشان تصنيف الهدوم وترتيبها بيكون ليه نتيجة فعالة جدًا في ان الهدوم تظهر بشكل انضف

لو شغلك بيحتم عليكي تستخدمي ألوان أو مثلاً تتعاملي مع مواد سائلة ممكن تبقع الهدوم حاولي تلبسي مريلة أو تخصصي لبس قديم  لوقت الشغل 

لازم تنشري الغسيل بعد ما يتغسل فوراً عشان تتجنبي الروائح السيئة و الكرمشة اللي ممكن تحصل في الهدوم

لازم نغسل الغسيل الأبيض بعيد عن الغسيل الألوان عشان يحتفظ بلونه ويفضل فاتح كدا ومنور

بيفضل نغسل الفوط مع الملايات والجلبيات البيتي عشان كلها تندرج تحت نوع قماش واحد

مهم أننا لما نيجي نغسل نعمل استبعاد للهدوم اللي محتاجة نظافة معينة، ولما نكون جايبيين هدوم جديدة لازم نغسلها في الأول على إيدينا عشان نشوف بتبهت ولا لأ عشان الهدوم مش تبهت

من الأمور المهمة أننا نحافظ على الغسالة ونخليها نضيفة , و بُفضل بعد كل غسلة ننشف ، ومكان الصابون، وننظف الغسالة من اي حاجة فيها وبر أو مناديل او الصابون المتراكم أول بأول

لما نيجي نستخدم عطر لازم نستخدمه صح عشان ممكن العطر يصبغ الهدوم، أو يتفاعل مع الهدوم وتظهر ريحة مش لطيفة

المبيضات زي الكلور بتكون عبارة عن مواد كميائية قوية جداً بتهلك الأنسجة و بتقصر عمرها عشان كده تلاشي أستخدمها تماماً

كده نكون خلصنا أهم نصايح هتخلي هدومك نضيفة و شكلها جديد على طول

Open Every Day:

Monday-Friday: 6am – 5pm
Weekends: 7am – 4pm

Visit Us

1234 Divi St. #1000
San Francisco, CA 39513